很想知道（剧场版）

《很想知道》 人物表 钟志云 —— 深秋的子文 饰 郭晓静 —— 诗雅 饰 男同事 —— 鸭仔饰 女同事 —— DaDa 饰 旁 白 —— 师欣 独白：其实一开始识距果阵，我都觉得距份人都几冷，但系仲未至于冷到几日都唔笑。系我印象中，距应该都成日笑吖？真系奇怪。点解D人要甘样讲距呢？当我正系度疑惑紧既时候，我一转身，就见到6年无见既郭晓静系走廊行过。隔左甘多年，我觉得距依然无变， 特别系距衣着打扮既风格，就连发型都一如当年。我望住距个样，又回想起我地岩岩识果阵，唔知点解，忽然间觉得有几分唏嘘。 【公司走廊内】 钟志云：“HI，晓静，好耐无见喇。你调左翻离？” 郭晓静：“志云，好耐无见。嗯，系啊，公司调我翻黎几个月顶住档先，等稳到人接手我先翻过去。” 钟志云：“无见甘耐，呢几年点啊？有小朋友未？” 郭晓静：“我个女3岁喇。你呢，成家立业未啊？” 钟志云：“我个仔先1岁咋，有排捱啊。得闲我地食餐饭叙下旧啊？” 郭晓静：“嗯……岩岩调翻过离，手头上都比较多野做，迟D啦。” 钟志云：“好啊，到时再约啦。” 独白：曾经我睇过一篇文章，就叫做《请勿打搅别人的幸福》。我觉得果篇文章讲得好岩，有时我地只需要静静甘望住人地幸福就够，特别系对一个曾经既梦中情人。我果阵觉得，作为一个朋友既身份，能够系睇住距开心幸福甘生活，对我离讲，又何尝唔系一种满足，又何尝唔系一种幸福？但系……有时有D野，真系估唔到…… 【公司门口，脚步声】 钟志云：“咦，晓静，依家先收工啊？” 郭晓静：“系啊，好多野要搞，唯有留低搞埋先。” 钟志云：“今晚……又系圣诞节喔，你同女女一齐过？” 郭晓静：“我个女系杭州，得我自己一个咋。” 钟志云：“我都系一个人啊，我老婆带左个仔翻乡下。又会甘岩既你话，甘不如……” 郭晓静：“一齐食饭？” 钟志云：“赏唔赏面先？” 郭晓静：“好啊。” 独白：同距食饭果阵，距依然都系好似以前甘，无咩野讲。亦好少见到当年距系我脑海入边，挥之不去既果种笑容。食完饭，我地行出餐厅，竟然不知不觉，而又不约而同甘，行翻当年我地曾经经过既果个地方。 【江边】 钟志云：“晓静，你睇下，今晚既夜景好靓。” 郭晓静：“嗯，好靓，就好似果晚一样。” 钟志云：“晓静，无见你甘耐，你一D都无变过。” 郭晓静：“边系啊，老喇。” 钟志云：“呢几年你过得点啊？” 郭晓静：“我？几好啊。讲下你啦，你又过得点啊？” 钟志云：“我又咪甘。翻工放工。” 郭晓静：“志云，你觉得，人生活系世上，追求既系D咩野。” 钟志云：“追求D咩？有人追求事业，有人追求家庭，每个人都应该会唔同挂？” 郭晓静：“甘你呢，你追求D咩？” 钟志云：“我就觉得人生在世，无论点样，开开心心就已经足够。我觉得一个人稳到几多唔一定重要，最紧要系自己享受到几多快乐。” 郭晓静：“有无人话你甘样胸无大志？” 钟志云：“或者啦。但系我觉得我甘样，虽然碌碌无为。但系有老婆，有个仔，有一个完整既家，安安稳稳。无论点都好，对我离讲，已经足够。” 郭晓静：“（眼眶渐红）嗯……或者啦。” 钟志云：“你呢，讲下你个女啦，我觉得睇住小朋友开心甘玩，我都会特别开心。我估你先生应该都好中意同你个女玩系咪？” 郭晓静：“（情绪加深）距……” 钟志云：“得闲多D带距去公园玩，人地话小朋友吸收多D新鲜空气好紧要……“ 郭晓静：“（流泪）志云，我有D唔舒服，不如翻去喇……” 钟志云：“晓静，你做咩啊？系咪我讲错咩？” 郭晓静：“（强忍）我好好，我无事。” 钟志云：“你有咩唔开心咪同我讲罗，睇下我帮唔帮到你，就算我帮唔到，有个人分担下都好啊。” 郭晓静：“（哭，情绪爆发）志云，你做咩要对我甘好！” 钟志云：“我……” 郭晓静：“（哭，激烈）其实我一直都唔开心！我成日对住你扮开心！成日话我自己好好！其实我好后悔，我应该一毕业就翻深圳！我唔应该留系呢度！” 钟志云：“晓静，你唔好喊啦，有咩你慢慢同我讲好无。” 郭晓静：“你知唔知，当我听到你一家人甘幸福果阵，我个心有几难过……你问我个女……我老公自从距出世之后，见距都唔知有无十次……距甚至连我生女住院果D钱都唔愿意出！” 钟志云：“点解？点解距要甘样对你！” 郭晓静：“就系因为我生左个女，而唔系仔……就系甘简单。” 钟志云：“距点可以甘噶！唔通女就唔系自己骨肉咩！” 郭晓静：“我都唔知，或者距就系一个甘样既人。距日日都话要做野，开口埋口就话事业，根本无理过我地两母女，我同个女系呢个家都好似两个多余既人感样。我要翻工，无人理我个女，距屋企人明明日日都好得闲，但系都唔愿意去理我个女，根本就无当过系距地既孙女！我只能够将个女带翻深圳等我妈咪帮我凑。作为一个女人，我又可以做Ｄ咩，我只能忍受。由读书果阵到依家，甘多年，我已经习惯左忍受。我曾经同自己讲，男人有事业心同上进心系好事，但系估唔到，估唔到依家会系呢个结局！” 钟志云：“点解会甘噶，我一直以为，你好幸福，你有一个好好既家庭……你……” 郭晓静：“（激动）我一D都唔幸福！由一开始到依家，幸福一直遥不可及。一直以黎我都有林过去改变，但系我无勇气甘做，亦都唔知要点做……其实，我以前一直都想稳一个好似你甘样既男人，去过果种平淡安稳既生活…………” 钟志云：“（按耐不住）晓静……其实我以前……一直都中意你……但系，我以为你已经稳到你既幸福，所以……” 郭晓静：“你唔好讲笑啦，我无心情。” 钟志云：“我无厄你。” 郭晓静：“甘点解你唔一早同我讲?” 钟志云：“你话你有男朋友，对我又甘冷淡……我点知……我以为……我以为……” 郭晓静：“你讲既系真既？” 钟志云：“我真系无厄你，对唔住……我……晓静，甘你之前对我，系咪都……” 郭晓静：“（痛哭）唔再讲喇……” 钟志云：“晓静……我……” 郭晓静：“（痛哭）我好后悔……” 钟志云：“我都好后悔，好心痛……” 郭晓静：“（痛哭）……” 独白：系我知道真相果一刻，我个心又好似当年甘再次比闪电击中。原来我错过左我原本有机会拥有既距。如果当年我冒险向距表白，可能一切都会唔同。就算我地未必可以走到最后，但系起码总可以相爱过，拥有过。而依家，只留低无尽既遗憾。果晚我唔记得我地一齐喊左几耐，系我地相拥而泣既果个瞬间，后悔、无奈、不舍，每一种强烈既情感就好似一波波巨浪一样，不断冲击我个心。甘多年离既情感终于系果个时候一齐爆发。我真系希望时光可以倒流，等我可以翻到去当年，大家重新选择一次，你话几好……但系可惜……自从果晚之后，我好想去关心距，我想以一个好朋友既身份，去为距做D野。但系，晓静不单止距无接受，我仲感觉到距想回避我，疏远我。过左两个月，距再次调走，走之前，我甚至无机会同距讲一句说话…… 女同事：“志云，差D唔记得左，质量部果个郭晓静临调走之前留左份文件比你，我摆左系你台面。” 钟志云：“文件？哦，好，唔该。” 【信内容，混响】 郭晓静：志云，当你睇到呢封信既时候，我已经离开左广州。果晚之后，有时我会林，如果一切重新来过，会系点样？可惜故事已经定局，一切都再无可能。其实我都想有人关心，但系我既生活已经好不幸，而你既生活好幸福，好满足，唔应该因为我而有所改变。我只想望住你开心，有时沉醉系幻想中我地果段开心既时光，甘就已经足够。人生长路漫漫，各自珍重。勿念。晓静。 独白：我既手轻轻甘抚摸住距既字迹，有一达字迹化开左，唔知系咪距既泪痕？果一刻我好平静，凝望住窗外，感受果份好似由空气中散发出离既遗憾。而呢种遗憾无办法冲淡，无办法释怀。果日我放工无搭车，我由江既呢边一路步行翻屋企。经过果条桥既时候，我再都忍唔住，唱住当晚之后我写既果只歌，系夜色之下，任由我既眼泪，一滴滴甘滴落系呢个曾经邂逅既地方……呢个故事开始既地方……呢个人生交叉既地方…… 【音乐《很想知道》】 谁会料到 原有定数 就这么变成过路 太希望如时光会倒流 如若真的翻转了多好 如我未老 如你未老 又会否一切能再做 那机会如曾经到面前 无奈匆匆闪过 看不到 很想知道 纵使配不上由我宣布 或者都总可跟你邂逅受过拥抱 雨中牵手于街角某地徐徐缓步 重头挑选 可会那样好 很想知道 纵使配不上陪你终老 亦不舍得他今世这样任你虚耗 也许他生可相约岁月茫茫长路 无缘一起 仍期望转身处 可遇到 旁白： ShowFM网络电台首发，都市情感广播剧《很想知道》，钟志云由深秋的子文饰演，郭晓静由诗雅饰演，男同事由鸭仔饰演，女同事由DADA饰演，编剧：深秋的子文，旁白：师欣，后期：深秋的子文，主题曲：《很想知道》填词、演唱：深秋的子文