介绍:
2015年2月8日，喺第六届全国粤语文化社团联盟年会上面，《广州风情》有声明信片正式发布，一套六张，6份情怀！
讲起石围塘，可能宜家啲90后唔知道，但系喺一诋老广州嘅心目当中，哩度系一个好有感触嘅地方。石围塘系广州最老嘅火车站，建于1903年，可以从广州一直开到佛山三水。
当时哩个车站最有特色嘅地方就系一排由长80米、高3米嘅古朴嘅木架雨棚，由车站一直延伸到珠江码头边。旧阵时广州人好多中意到佛山周边买农产品，翻到广州之后落车系可以直接行过哩个可以遮阴挡雨嘅雨棚，去到码头搭船，真系一站式贴心服务。话唔定你地爷爷嬷嬷嘅爱情故事就系哩度开始。
宜家嘅石围塘，早已停止咗客运，但仍然保留货运，系广州主要嘅货运场之一。同时车站历经岁月沉淀，佢怀旧嘅风格亦都成为摄影发烧友，文艺青年嘅好去处。
出品：全国高校粤语文化社团联盟
互动媒体：羊城网
内容支持：粤岭文化保育协会
配音支持：中央人民广播电台华夏之声《韵味岭南》肥光讲古
大家还在听
