介绍:
今日有感而发，想推一首最近好中意嘅歌，或者其实大家都可能系某短视频APP入面已经听到想呕嘅歌，actually 一开始我都有d厌烦，都避之则吉，但系到后面知道左距嘅创作故事之后，令我大有感触，想同大家分享下心情。话说歌手去漠河采风嘅时候，去到漠河舞厅，见到故事主人公张德全系舞池度独舞，然后距就问距独舞的原因，老人先娓娓道来：以前老人嘅妻子生前很中意跳舞，距地成日都会系旧仓库入面点灯一起学跳。但系系1987年全国震惊嘅“五六”漠河特大火灾入面，妻子不幸葬身火海。而往后30年，老人亦都无再婚，然后时不时来到漠河舞厅跳舞，动作一般都差唔多，估计系当时同妻子经常跳嘅动作。其实如果去过东北嘅同学仔都可能知道，其实东北可以玩嘅娱乐设施很少，一般夜晚系无咩娱乐生活嘅，19年嘅时候去过最北嘅满洲里，夜晚真系7点几食完饭，街上面就无咩人嘅拉，非常地“萧瑟”。甘当呢首歌火左之后，舞厅老板先记得起，舞厅真系有个甘嘅独舞老人，因为一般去舞厅嘅老人都系林场退休老人，成双成对，唯独呢位老人，中意一个人独舞，每次都相似嘅动作，听到故事之后，先知道老人嘅身世。但近几年已经见唔到距嘅身影了。老板其实都系“五六”漠河特带火灾嘅亲历者，所以感同身受，对老人对爱情忠诚不渝嘅行为大为所动。呢首歌大火左之后，好多人都叫老板加速商业化，但老板只系话，我只会认真地开好呢个小舞厅，为漠河嘅退休老人提供娱乐。而歌手亦都以老人口吻，写左篇“再见了，晚星”嘅信件，来纪念呢段刻骨铭心嘅爱情。
故事讲完，其实呢首歌整体感觉系比较有画面感嘅，假如我识拍摄，我都想拍呢首歌出来，特别系中间嘅bridge位，仿佛系老人同爱人嘅美好往事回忆以走马灯倒叙嘅形式一幕幕呈现甘。而编曲又有d前苏联舞曲嘅感觉，更加突出故事嘅凄美（毕竟苏联嘅舞曲一般都系凄怆而无奈既视感）
我霖，呢首歌之所以令甘多人动容，系因为歌颂左“只愿一生爱一人”嘅忠贞爱情态度。其实系当代社会，信息化碎片化嘅速度，令到大家容易“crush”, 容易上头及“下头”，“不行就下一位”，容易好快“move on”，快餐式嘅爱情，又真系有真爱咩？终生只爱一人，一屋两人三餐，相濡以沫，厮守一生嘅爱情，会唔会只存在系我地爸妈果辈呢？网易云入面有条评论好有意思：人类究竟用什么衡量爱？
其实真系值得大家深思。最后为大家送上呢首歌，都来体会下歌中感情啦。讲翻，BGM系属于系B站嘅一位俄罗斯老人用苏式风格重新演绎嘅指弹同俄语弹唱改编，我瞬间被吸引住了哈哈。
呢度系Janice私房歌，我地下次再分享故事~
大家还在听
