广播专辑 周立波海派清口16 翘边模子

广播专辑 周立波海派清口16 翘边模子 还有一种叫啥？埃有一种叫翘边模子。现在少了。老早对伐辣搿种闹市区，或者菜场搿搭，有人卖翘边卖沙发大家记得伐？假沙发，搿种沙发腔调老浓个，里向侪是加个，葛末伊拉啥个手段呢？有两家头或者三家头，一吹一搭，然后吵相骂，再引诱年纪大个人上来劝相骂。年纪大个人欢喜管闲事呀，阿拉上海侪欢喜管闲事呀。劝发劝发劝发么自家劝进去了，到最后，自家拿只沙发车回去。拨伊拉翘边模子翘进去睐。阿拉弄堂里头有个宁波老头，老欢喜管闲事个，结果对伐就翘回来老长个黑颜色个三人沙发。结果宁波老太，宁波老太骂来：干啥啦，老头！阿拉介小，啥地方要三人沙发啦。屋里向只有十二个平方。（宁波话.....）结果没办法，拿屋里两只旧个单人沙发摆到搿个走廊里头去，随后三人沙发摆了搿个里向。“老太，侬勿是讲我睏相勿好嘛？沃今朝索介告侬分居。搿老头脾气老大个。葛末夜里向睏新沙发心里开心煞了。老头搿个睏相勿好，翻来翻去，翻来翻去，乃末出事体了。啪嗒，人下去了。人哑下去来，因为里向呒没弹簧，呒没棕梆，没拦线个啦，侪眼烂棉花唠烂稻草唠，噗一记头人进去了。进去么老头子嗒，搿也到算了，侬醒过来自家爬爬出来也算了，结果伊睏了老香个，搿勿出事体啦。老头噗哑进去么两只把手支点呒没了晓得伐，支点呒没了么上头是盖头，啪，盖进去了。宁波老太吓煞脱了。夜里向两点钟起夜爬起来一看，“哇！搿哪能沙发变棺材了啦！”吓煞脱了。乃末第二天呢弄堂里头老头呢多了只绰号。叫伊啥晓得伐？叫伊老棺材。 还有种人家叫啥个叫？“开歪头？”大家晓得伐？就是搿个南市区黄浦区老多个。人拥挤个地方，卖假药啦。卖假药卖假货，哦哟，两个歪头模子也蛮有劲个，现在少了，我讲卖假药老虫药啦：“哎哎！，走过路过覅错过，眼睛看心里算啊，美国进口老虫药，来大家看看哦，吃了弄堂口，死了总门口，吃了总门口，死了一号门口，吃了一号门口，死了老虫口。来来来，美国进口老虫药，来，眼睛看心里算，老太婆吃吃死了厨房间，老头子吃，吃了死了马桶间，哎！大家看了大家看。”搿种药也好拨伊拉卖脱个？！但是侪是假药啦。袋袋买回去呒没用个。本生屋里只有一只老虫，啵剁一吃，搭隔壁只老虫结婚睐，生出来交关小老虫！