介绍:
读白：
时间一DD咁走，带走咗匆匆流逝嘅青春，带走咗曾经不可一世嘅勇气。望住一张张泛黄嘅照片，时间，原来，一直都无因为我地嘅执着而停留过。
唔知由几时开始，我地好容易会享受回忆嘅感觉，突然发现，原来回忆系唯一可以令时间停止嘅地方，街角转弯处嘅一间杂货店，老巷深处嘅一栋旧楼，学校隔离嘅一堆旧铺头，甚至，你会遇见过去嘅自己。
时光总不留人，过去嘅你喺幸运噶，而将来嘅你，都会越黎越好，努力去抓紧属于你嘅幸福，所有嘅呢D都会系，将来嘅某一刻，同时间一齐，停格系你嘅回忆入边，那一年嘅月日，那一刻嘅分秒......
人呢，好贪心噶，除咗希望时间可以停止之外，仲希望可以倒流时间，回到过去，所以，好多大人同埋小朋友，都希望拥有一部叮当嘅时光机。
大雄用叮当嘅时光机回到过去教训过技安，欺负过小夫，亲近过静宜，如果有部时光机，你会翻去从前同自己讲D咩呢？会唔会花多D时间陪屋企人呢？会唔会勇敢向暗恋对象表白呢？会唔会主动同对方讲句对唔住认错呢？
风过无痕，但系岁月流金，时光飞逝，但系光阴留香，时间唔会停，更加唔会倒流，无时光机，咁我地就由宜家开始，好好相伴，好好相助，好好相爱，好好一齐走落去......
大家还在听
