【粤语】三千年后

《三千年后》歌词： 再见 唔好怪我第一句就同你讲再见 因為我真係專程嚟同你道別㗎 你知道我係边个㗎 不过你唔记得左之嘛 我记得你嘅 你总係笑眯眯咁望住我 你唔讲嘢 净係听我讲嘢 嗰阵时个世界好安静 无而家咁嘈 衬得我特别吱喳 特别开心 我记得你只手 扫过我背脊嘅感觉 我记得同你去睇影画戏 你会係我耳仔边讲嘢 你讲得好细声 其实我一啲都听唔清楚 不过 我好钟意听你咁样同我讲嘢 以后再无人咁样同过我讲嘢 我记得你好钟意睇日落 睇完日落就去听音乐会 我哋又成日散步去食宵夜 个阵唔知点解 周不时都分唔清究竟係星期几 日子好似唔会过去嘅 时间好似係停咗落黎咁 然后忽然间 就发觉原来已经经过咗好多年 我记得好痛 因为你话俾我知 你要走 我再无睇过日落 亦都无再同人食宵夜 原来难过嘅日子 一样好似唔会过去 然后又係一眨眼 至发觉已经过咗好多年 我记得 你同我去过嘅每一个地方 我唔会再去嘅 个啲 茶座 舞厅 同花园 而家係点 我唔知啊 个啲地方通通留係我心里面 不过我知道 你唔记得嘅了 唔紧要 我一个人记住就得啦 我唔会讲 我老啦 我只係会讲 我係度太耐 时间耐咗 难免知道人 总会慢慢咁将过去淡忘 又会睇住啲嘢 无声无息咁样消失 我点解要走 怪我自己啦 我先两日 唔知谂紧乜野 无端端走咗去睇日落 个日落就同我记得 陪住你睇嘅嗰个样一样 不过 就算我点样装出若无其事 我都无办法唔承认 我失去嘅嘢实在太多 我要走喇 如果你记得返我係边个 我知道 你一定会好唔舍得我 仲会好挂住我 再见