你有无发觉..

你有无发觉，你d朋友已经几乎唔发朋友圈啦？ 好耐无联系嘅朋友，当你打开佢朋友圈想睇睇佢近况，入到去可能只系见到一条横线，提醒你朋友圈三天可见。又或者系一个月可见寥寥无几嘅几条转发嘅动态。 你呢？你仲会唔会经常发朋友圈啊？ 记唔记得几年前同朋友倾计觉得有趣就会截图聊天记录发上朋友圈嘅你啊？记唔记得落班觉得自己好攰随手影张相po上朋友圈诉苦嘅你啊？又或者你记唔记得你唔开心果阵时发嘅果段深沉嘅文字啊？ 我发觉，身边嘅朋友好多都已经习惯唔喺朋友圈抒发个人情绪啦.. 原本每日喺朋友圈打卡好多次，食个早餐都要发朋友圈、配个靓图的朋友，佢地已经开始慢慢淡出朋友圈啦，因为我哋都知道，只有成年人的世界先会掩饰自己嘅情绪，将自己的悲欢离合收埋嚟，唔再示于人前。 我有阵时夜晚会偷偷地发朋友圈，大多数都系抒发自己嘅负能量，但系可能过一两分钟我又会删除。 点解删除？觉得其实无咩意思咯。 以前发朋友圈，希望引起人地嘅关注。宜家大个咗，遇到情绪起伏嘅时候，反而系希望人地嘅视线离自己远d。 所谓越长大越孤单，系因为明白到，人生有一d路系必须要你自己去行，有一d经历必须要你自己去体会，有一d心事亦都只能够摆喺心入面。 如果人嘅一生，只系单打独斗，一切都无朋友、家人嘅参与，咁人生嘅意义何在呢？ 上帝嘅安排都系有原因噶，人嘅一生咁长，家人、朋友，甚至每一程上遇到嘅路人，都系为咗丰富我们嘅生命而存在。 无人可以陪我地度过完整嘅一生，但系喺人生嘅每一条道路上面，佢都会有唔同嘅人陪伴住我哋领略唔同嘅风景，同我哋分担寒潮雨露，共享雾霭流岚。 对于真正爱你嘅人，无论家人定系朋友，又或者系同事，都热切咁希望可以互相陪伴走过呢段人生旅程，能够互相留下印记，先会觉得此生无憾。   希望成年后嘅我哋，必要嘅时候都能够卸低伪装，唔需要表演，做最真实嘅自己。 长路漫漫，加油啊，我陪你。 ❤️