介绍:
2015年2月8日，喺第六届全国粤语文化社团联盟年会上面，《广州风情》有声明信片正式发布，一套六张，6份情怀！《韵味岭南之肥光讲古》为大家带黎哩六个有声音频片段嘅完整版，敬请关注！今日送上广州风情之“文昌路”！
文昌，又名“文曲星“，系古时神话里面主宰功名嘅神。唔知从几时开始，文昌路演变成广州知名嘅古玩市场。喺哩度啲古董吖，咩碗碟、花瓶、烟袋、香炉牙雕、古书等等呢都有啲名堂！虽然系摆地摊，但系价格都唔平，如果系“坚嘢”，开价都要成数百上千，甚至系过万。
喺花多眼乱嘅古玩商品入边，鱼目混珠、以假乱真嘅现象随时都存在，咁所以想喺从中”执漏“稳到笋嘢，一啲都唔简单。啲古董玩家通常都会自带啲小电筒或者放大镜，將啲古玩一件件咁拿起、放低，又拿起，好细心咁睇，惊走宝吖！正系古玩嘅哩种神秘，令到啲玩家相当痴迷，有兴趣的人士不妨都黎淘淘宝。
出品：全国高校粤语文化社团联盟
互动媒体：羊城网
内容支持：粤岭文化保育协会
配音支持：中央人民广播电台华夏之声《韵味岭南》肥光讲古
大家还在听
