欢迎咨询粤语【付费VIP】学习班级~
与学心老师互动的方式~
QQ微信:1171503989
微信公众:hok-sam【学心老师的粤语教学】
新浪微博:hoksam_粤语教学
荔枝FM:598940【学心的粤语教学】
推荐歌曲:
吴奇隆《烟火》
吴奇隆《一天一天等下去》
烟火(剧场版)
第一次嚟到北京玩,仲要系自己一个人
而我只系识得讲地道香港人嗰啲唔咸唔淡嘅国语
我都算系好大胆,北京呢个地方唔算细
但系我竟然遇过呢个男仔好几次
呢一次佢居然走埋嚟自我介绍添
死喇,我都唔知应该讲啲咩嘢好
原来佢系由台湾嚟嘅,佢仲以为我系本地人
仲赞我比起本地嘅女仔,靓得嚟仲摩登啲添
于是我剩翻落嚟嗰个礼拜嘅行程
就系同呢个男仔喺埋一齐,一齐去长城上便睇我哋祖国嘅风光
我哋都好陶醉,大家都好似忘记咗香港太平山同埋台湾阿里山嘅景色
语言已经唔再系我哋之间嘅隔膜
但系一个礼拜好快就过咗,佢同我讲咗句说话:(国语)我是一缕烟,而你是一团火
佢呢一缕烟就系因为我呢一团火产生,但系我只系可以答佢话:
当烟火烧到最后最后,烟就会飘走,火就会熄灭,而两者都唔再属于呢一处地方
一天一天等下去(剧场版)
自从上次北京旅游返嚟之后,唔知点解自己有个冲动去学国语
连我死党阿may都觉得我返嚟之后,啲唔咸唔淡嘅国语好咗好多
我唔知系咪希望有一日……
真系傻喇,初初我哋以为分开之后
大家可以忘记对方,所以都冇交换到联络地址同埋电话
其实真系呃人嘅潇洒,唔知佢喺台湾嗰边做紧啲乜嘢?有冇谂起我呢?
有次同埋班朋友去烧嘢食,睇倒碳炉里面啲烟同火
唔知点解流咗眼泪出嚟,阿MAY问我系咪畀啲烟,烟亲只眼
我同佢讲话烟因火而生,但当烟火烧到最红最后,烟就会飘走,火就会熄灭
阿MAY 唔明我讲啲乜嘢,不过佢就话我个番说话同张报纸嘅寻人广告一样
我即刻攞起张报纸嚟睇,上面写住:
烟火虽然暂时熄灭,但系只要一天一天等下去,烟火总有一天重燃
报纸上面仲留咗个香港电话号码添
阿MAY问我做咩冇烟仲喺度喊?而睇到张报纸又会咁开心嘅?
我话因为我要去打电话,而接电话嘅佢竟然讲起啲唔咸唔淡嘅广东话