教学❤朗读第2期第1课《有同冇》

欢迎咨询粤语【付费VIP】学习班级 学心老师的微信公众号：hok-sam 课件在【微信公众号】，同步更新。 粤语文字表达，不配国语翻译。 推荐歌曲：陈慧琳《有福气》 第一课：“有”同“冇” 今日讲嘅呢两个字，系两个最简单嘅粤语字，一个系“有”，一个系“冇”。个“有”字冇咗两横，就系“冇”啦。呢两个字，睇落似乎好简单，但如果想用得好，就唔系咁容易。 首先嚟睇下个“有”字。我哋学过佢嘅粤语发音，系jau5，再读一次，jau5。佢难就难喺个读音嗰度。“有”字本身普通话发音系you，而ou音，转过嚟粤语，好多系发成au音嘅。 噉我哋下边嚟组词啦。比如讲，有料，通常就系用嚟形容一个人“有才学”，或者“有能力”嘅。好似我噉。噉“冇料”自然就系讲呢个人“冇才干，冇能力”啦。但系如果我哋加一个“到”，讲“有料到”，或者“冇料到”嗰阵，呢个“料”又变咗“情况、状况”啰喎。所以系咪好得意呢？一字之差，个意思就差好远嘞。 我哋另外再嚟学几个词。有米，即系有钱。如果我哋讲一个人好有钱，就可以话佢“好有米”。除咗“有米”，“有水”都系形容一个人“有钱”嘅。比如讲：佢好沓水㗎。“水”，我哋口语仲可以指“一百蚊”。举例比如话，“可唔可以先度住几旧水嚟撑下呀？” 仲有，有路，即系指两个人私底下有私情。而且呢两个人如果系一男一女，噉就通常系指佢哋两个“有奸情”㗎啦。有景轰，可以系指事情，又或者系指两个人之间嘅关系“好异常”。有古惑，呢个就通常系指事情，“有可疑”。 好啦，我哋再嚟睇下个“冇”字。之前我哋学过“冇得倾”，仲记唔记得，系“没有商量的余地”。粤语仲有句口头禅系“冇可能”。睇戏嗰阵，我哋成日都可以听到人讲“呢件事冇可能系噉嘅”，又或者“绝对冇可能嘅”，都可以算得上系一句经典台词。 另外用得多嘅一个口头禅系“冇情讲”，即系“冇人情可讲”噉解，意思同“冇得倾”都有少少相似。“呢件事，几大都冇情讲㗎啦。”你系咪有听过呢？ 同“冇”字好容易捞乱嘅，系一个“无”字。一个系“冇mou5”，一个系“无mou4”，喺声调上系唔一样嘅。如果有啲词本身一定要用“无”字嘅，就唔可以用“冇”字乱咁代替，比如，“无花果”，“”，“无啦啦”等等。 好，最后我哋再学几个有关“有”同“冇”嘅俗语。阿茂整饼，冇嗰样整嗰样。有异性，冇人性。有气冇埞唞。 好啦，今日我哋就先讲到呢度，下节课再见。