Vuengz Gvej 蛙王

Langh Sing Raeuz 朗声僚——Vuengz Gvej蛙王 注：由于字数限制，翻译和歌词已略 Cangh Langh Sing: Caw Nae Ndok Nat Saes Daeuz Langh Sing : Lwg Nding Boux Raeuz Saes Nga Langh Sing : Lwg Fwngz Meh Saes Nga Langh Sing: Caw Nae Ndok Nat Cangh Raed Sing: Lwg Fwngz Meh Cangh Son Ngvanh: Daeg Giy Boux Noengz 主播：雪妮·朵可娜 总站长：勒丁布僚·刘敬柳 副站长：勒丰米·卢奋长 副站长：雪妮·朵可娜 剪辑：勒丰米·卢奋长 顾问：特基布侬 Fwen 1: fwen Taez《Vaex Caw Ndaej Gar》/泰语歌曲《可以放心吗》 Fwen 2: fwen Raeuz《Fwen Ndiep》/壮布依语歌曲《思念歌》 Aen goj neix cwh(dwg) aen goj Vuengz Gvej. Ciuh gonq miz baeuq yah ndeu, dox aeu ndaej ngeih cib geij bi her, dan cwh laux yah naengq (lij) mbouj miz lwg. Daengz baeuq yah muengh miz lwg muengh liux muengh moq, youh gvaq geij bi, baeuq yah menh menh bienq geq liux. Miz bi ndeu, laux yah u(seng) lwg ndeu lor, dan cwh, u daeuj mij cwh vunz cwh gvej. Raen daengz neix, Daengz baeuq yah nyaeg nyaeuz(nyap nyuk) liux, yiengh neix goj mbouj aeu duz gvej ce ndaw ranz her, guh aen mbungq ndeu ce ndaw swj ranz, aeu duz gvej ce ndaw mbungq, dangq vaenz(ngoenz) dangq hawj id raemx ndeu id haeux ndeu. Song boux laux haex(yied) laeng vaenz(ngoenz) haex(yied) geq, reih naz goj haex(yied) laeng vaenz haex(yied) guh ndaej neengh(noix). Miz haemh ndeu, baeuq yah geq gag dox mbuj mbij：“yah geq har, mbat neix raeuz goj haex(yied) laeng vaenz haex(yied) geq mor, bae naj guh reih guh naz mij ndaej cix hawj boux lawz daeuj ciengx raeuz moq？Raeuz u lwg mij lumj fwex(boux wnq), fwex u lwg baenz vunz, raeuz u lwg baenz gvej, heir~ hauq mij liux lor” Duz gvej youq ndaw mbungq henz ranz nyi boh meh dox gangj yiengh neix, yiengh neix han boh meh hauq：“boh meh har, sou mij yungh heiq gor, vaenz cog aeu so gvak cuengq baih rog hawj gou, vaenz cog gou bae aeu haenz raenq, vaenz ndeu gyah goj guh liux dwr ler. ” Baeuq yah geq gag dox cim gag nyi yaek riu, hooz(gyoengq) de nwh：“gvej guh lawz rox guh hong har？dan cwh boux gaeuq youh guh mij ndaej, guenj de guh ndaej mbouj ndaej guh baenz mbouj baenz goj aeu so gvak cuengq baih rog hawj gvej. ” Mbwn laep gvej dauq daeuj, “boh meh, haenz raenq gou guh liux lor hor. ” boh meh mij gamj sinq, laux boh hauq：“gvej har gvej, gvej gangj laux, boh bae guh dwr guh guh ndwen guh ndwen, mwngz dwr goj hauq bae vaenz ndeu goj guh hawj liux. Mauh bak vaez gou gar！”Gvej han：“mij sinq cix gag bae yawj. ” Vaenz laeng laux boh bae doengh naz ngengq(yawj), haenz raenq doengh naz ngaih duz gvej guh liux dix raix. Dauq daengz ranz mbuj mbij dwk yah geq：“yah geq har, gvej guh haenz raenq liux dix raix bwr. Haenz raenq dauq cix guh liux her, mbat neix cix lau gag cae ndij dawz gar. ” Duz gvej nyi laux boh guh neix hauq youh han：“boh har, cae dawz goj mbouj lau gor！gyah goj cae vaenz ndeu dawz vaenz ndeu dwr lwr, vaenz cog aeu cae rauq ce baih rog hawj gou, gou gag bae guh. ” Laux boh nyi daengz neix youh youq ndaw cw gag nwh：“gvej loz(luenh) vaed der ler, cae vaenz ndeu dawz vaenz ndeu boux lawz guh ndaej har？doengh naz ndeu lai baenz neix nwr. ” Youh gvaq song vaenz，laux boh bae yaeuh(yawj), doengh naz cae dawz liux dix raix. Song lwg mbwk ranz saeq doj raen boh mbauq gvej daeuj yaeuh naz, boux sing boux bae gangj coh baeuq boh duz gvej gonq. Aen vih duz gvej cawz bae guh naz bienq baenz mbauq ndei mbauq yawz. Gvaq ndaej geij vaenz, duz gvej gangj dwk meh de：“meh, mwngz bae ranz saeq doj cam lwg mbwk iq ranz de hawj gou guh yah gwr, lwg mbwk iq yawz nyiuz(gvaq) lwg beix, mwngz laeg(gaej) cam lwg beix bwr, lwg beix gou mij ngaiq！”Yah meh bi biengq gyaeuj han：“lwg har, mwngz guh vunz mij lumj fwex, mwngz baenz gvej dwr fwex guh lawz gai lwg hawj mwngz nor？” Gvej han：“mwngz mij yungh heiq, bae cam cix ndaej lor. ” Vaenz laeng yah meh bae ranz saeq doj, ranz saeq doj boux boux doiq de ndei liux, song lwg mbwk boux sawj caz sawj caz, boux sawj daengq sawj daengq. Yah meh raen ranz saeq doj baenz ndei baenz neix, gag nwh：“ranz saeq doj baenz ndei baenz neix, fwex guh lawz gai lwg mbwk hawj lwg gaeuq guh yah ndeq. ” Yiengh neix, mij gamj aj bak hauq laj daeuj cam bawx. Lox ranz saeq doj hauq gvaq ranz daeuj cam raemx meiq gwn. Dauq bae daengz ranz, yah meh naeuz duz gvej：“lwg har, ranz saeq doj mij gai lwg hawj mwngz. ” Boux lawz goj mbouj rox ndeq duz gvej han：“meh , mwngz cix laeg lox gou lor, hawj mwngz bae cam lwg iq guh yah, mwngz bae cam raemx meiq guh maz ar？Vaenz cog dauq bae cam, cam lwg iq. ”  Fwen 1: ไว้ใจได้ก๋า Vaex Zaw Ndaej Gar可以放心吗 翻译：Lwg Fwngz Meh勒丰米/Moz Cwz Boux Raeuz 僚人暮梓、พิสิษฐ์ จุฬาลักษณ์กุล 黄远江、อาจารี 阿扎丽 Deeq goonq deeq raez, bae eeuq dang ndaw gaen Haeuz gooq bae doih gaen, dwngj vaenz seen muanh zaw 我們都會一起去 整天都很開心 Pooz poep hux zaek sau cauz grung mbooq daeuj ndaw 當你認識了來自城市的女孩 Aij gooj bae aeu oek aeu zaw deeq kaeu 阿哥你就對她曲意奉承 Keeh piangz mbooq mownz, cwah gaem bownj leeux gar 在很短的時間裡，你就完全相信她了嗎 Hux zaek piangz naj da, hux zaw  bownj rw blaeuq 你只認得她的臉孔，你了解她的心嗎 Dwngz vaenz bownj miz booj zai maz kooiz faeuj 每天都有其它男孩在等待接近她 Ben zac ij leeux koengz mbooq ndi bae vaex zaw 這樣的情形下不是很相信吧 Gei gin paek gat zoo, mbooq gei gin pizza 曾吃過醃漬的青菜，不曾吃過批薩 Hak vah luz doongj zac yac zac ndaw 如果你想得到怎樣的結果 Bownj mbooq zawh koenz mwangz, mbooq mownz hak bownj laz bae 他不是城里的男孩，不是你想像的那樣 Aij zac uj zac ndaw mbooq ook 阿哥你知道嗎 Gooq mbooq ndaej vaeng tuangz ac yaeng vunh vaiz Ben keeh piangz sia dai kaj，glua aij don look 只是覺得很可惜，我只擔心你被騙了 Bownj gwt gaep aij zac ndaw gooq mbooq mbook  她對你怎樣，也沒有表示 Ben zac ij leux aij zac vaex zaw ndaej gar 是这样，你可以放心嗎 Bak ndeeng ndeeng zac vaex zaw ndaej gar 甜甜的嘴 可以放心嗎 Naj suai suai zac vaex zaw ndaej gar 漂亮的臉蛋可以放心嗎 Geemj kau kau zac vaex zaw ndaej gar 白白的臉頰可以放心嗎 Da van van zac vaex zaw ndaej gar 水汪汪的眼可以放心嗎 Sawq aeu looiz zac vaex zaw ndaej gar 漂亮的穿著可以放心嗎 Nungq saenj saenj zac vaex zaw ndaej gar 時髦的穿著可以放心嗎 Qyuq mwangz glae zac vaex zaw ndaej gar 住在遠處大城市裡的可以放心嗎 Mbooq zawh kaj zaeuj…zac vaex zaw ndaej gar 我的愛人啊 你可以放心嗎 Vaenz laeng yah meh mbouj ndaej mbouj dauq bae ranz saeq doj, dan cwh yah meh naz cam lwg laux dwr lor, lwg laux angq liux. Duz gvej rox yah meh cam lwg laux hawj de, ndaw cw mbouj angq id lawz, yiengh neix hawj yah meh dauq bae cam lwg iq. Yah meh mbouj ndaej mbouj dauq bae cam lwg iq, lwg iq raen meh gvej dauq daeuj cam de guh bawx, ndaw cw angq faengz liux. Boh meh ranz lwg caeuz yah gangj dwk yah meh gvej：“ranz gou goj cwh ranz miz naj miz da ber, laj(yaek) aeu lwg dou sou cix aeu gim ngaenz beiq daeq(daj) bak dou ranz ranz mwngz daeuj daengz ranz gou, gou cix aeu lwg hawj mwngz. ” Boh meh duz gvej nyaeg nyaeuz liux, mbouj rox guh lawz guh, gag nwh：“ranz gaeuq hoj baenz neix, ndaw ranz mbouj miz gim ngaenz beiq dangq roen hawj lwg fwex daeq(byaij) daeuj. ” Duz gvej nyi boh meh guh neix gangj, youh youq aen mbungq henz ranz han daeuj：“boh meh, sou mij heiq gor！vaenz cog bae gyaemj（bang） gou aeu daeuj sam beiz gyoij, sam aen lwg lwt, gou gag miz gyungz heiq(banh fap) guh. ” Vaenz laeng mbwn rongh, yah meh gyaemj（bang） duz gvej bae aeu sam mbaw gyoij, sam aen lwg lwt. Duz gvej aeu sam aen lwg lwt cuengq gwnz san beiz gyoij ruz runx(ringx) bae ruz runx dauq, hawj sam beiz gyoij ngaeuz ndongq ndieng liux, duz gvej aeu cuengq bak dou ranz ranz de, daeng ngoenz ok daeuj ciuq daengz mbaw gyoij , mbaw gyoij wenj bae daengz ranz saeq doj, baeuq saeq doj rwnq(hwnq) daeuj swiq naj, raen dangq roen wenj ak liux, laih ranz duz gvej aeu gim ngaenz beiq dangq roen dix raix. Lwg ranz gaeuq youh ngaiq mbauq duz gvej bienq baenz de moq, yiengh neix, ranz saeq doj gai lwg mbwk hawj ranz duz gvej guh bawx. Daengz vaenz bae deq(coux) bawx, duz gvej diuq yoep yoep bae ranz saeq doj deq bawx, bae daengz ranz saeq doj ranz saeq doj coox(caengh) rox lwg gwiz mbouj cwh vunz cwh duz gvej, dan ndaej nyinh aeu lwg mbwk gai hawj duz gvej gvaq, mbouj ndaej mbouj gai hawj dix raix, soeng goj soeng mbouj miz yungh lor. Dan boh meh ranz lwg caeuz yah nwh gyih(dij) mij ndaej, yiengh neix, yah meh lwg caeuz yah naeuz lwg de：“lwg har, cuex iq(yaep) ndeu bae daengz dangq roen, gyah cwh(dangh naeuz) duz gvej youq henz ndang mwngz mwngz cix fak daj boenz(gumq) duz max, hawj duz max doek saet luenh buet nyaemh de dai bae, yiengh neix mwngz cix mij ndaej ha(caeuq) de guh baeuq yah(gvan baz) lor, gyah mbouj miz(mbouj nex) haih ciuh vunz mwngz dwr. ” Bae daengz dangq roen, lwg caeuz yah aeu fak daj boenz(gumq) duz max dix raix, duz max ngaiz(deng) daj boenz doek saet ndaek ndiuq, dan duz max nyaemh gyoh(deng) gwnz gumz, duz gvej gwex(ndoj) youq ndaw gumz, mbouj ngaiz nyaemh dai. Bae daengz ranz, duz gvej hauq dwk laux yah:“ Yer, meh mwngz goj sim duh(doeg) lai nor, naeuz mwngz aeu fak daj boenz max, hawj max nyaemh gou dai bae nwr, sou yaek hawj gou dai gou goj dai mbouj ndaej liux. Lwg caeuz yah gag nwh gag nyi gyih(dij) mij ndaej, yiengh neix vaenz vaenz ok bae rog liuh, bae hangz boux liux boux moq, guh haiz soengq hawj mbauq gouh liux gouh moq. Duz gvej goj vaenz vaenz bae riengz laux yah, bienq baenz mbauq ndei mbauq yawz bae ndij laux yah dox hangz. Miz vaenz ndeu, duz gvej gangj dwk laux yah：“yer, gag hauq boux gaeuq gvai baenz cawz baenz cix bwr, nor, bae hangz boux liux boux moq, soengq haiz goj soengq daeuj deih gou neix gar. ” Duz gvej aeu hooz(gyoengq) haiz dit ok bak mbungq hawj laux yah raen. Laux yah raen hooz(gyoengq) haiz soengq hawj mbauq de youq deih duz gvej liux liux, hoz ndat mbat dog. Yiengh neix, laux yah gag nwh：“laux meh bae gyae gyae hangz, yaeuh(yawj) mwngz naengq(lij) riengz ndaej mbouj ndaej. ”Dan laux yah vaenz de mij bae haw liuh, daengx youq ranz dingh duz gvej mbouj youq aeu aen mbungq duz gvej coemh feiz. Aen vih duz gvej rox ndeq laux yah laj bae haw gyae hangz mbauq, yiengh neix, naengh duz max mbin bae haw deih de caj. Duz gvej bae daengz ndaw haw, nyi ndang ndat liux, youq yak mbat dog, Caj ndwex(nanz) gaenh lawz goj mbouj raen laux yah daeuj, duz gvej gag nwh gag nyi mbouj hooh(deng), yiengh neix, naengh duz max mbin dauq ranz, dauq daengz ranz raen laux yah aeu aen mbungq de coemh feiz, aen mbungq remj bae sam ga her, lw gag ga dog fih ngaiz remj, de haen bae sing ga fih remj de daeuj. Aen vih aen mbungq duz gvej ngaiz remj , lw gag ga dog mbouj ngaiz remj, duz gvej youh hag bonj saeh fih ndaej liux, yiengh neix vaenz laeng vaenz naj de couh dungv ciq laj mbwn mij ndaej liux, dangq aen guek dangq gag miz boux vuengz ndeu. Gyah cwh(dangh naeuz) hawj duz gvej youq ndaw mbungq maj baenz vunz, de cix dungv ciq laj mbwn ndaej lor, daengz cawz de laj mbwn cix miz gag aen guek dog, goj miz gag boux vuengz ndeu. Gvei Gangj·Guengj Sae·Cung Guek Ng. 20 Nd. 08 Bi 2015 Ngoenz Youx 中国·广西·贵港 七夕情人节 2015年8月20日