介绍:
如今个上海市闵行区如同形状像一把钥匙一样，镶嵌辣上海市中部，分为浦西搭仔浦东两个部分。葛末今朝个闵行区辣历史浪又是哪能变迁个呢？
我伲先来讲浦西部分：辣今朝闵行区个北部原纪王以及诸翟个一部分，老早属于嘉定县。一直到1958年才划归当时个上海县。闵行区个原马桥/北桥/颛桥/曹行/塘湾以及原闵行/吴泾等地区辣历史浪老早属于华亭县，辣上海立县之后呢就一直属于上海县。到了上海特别市设立个辰光，迭些地方基本浪向全部划入上海特别市辖区（当时上海特别市规划范围将整个上海县全部纳入），但是到后来实际接收个辰光，未接收，于是上海县得以保留，仍旧归江苏省管辖。后来曾经划入市辖，又划归江苏省。后来又有提议说要接收，但终于还是没有实际管辖。到了后来1958年划归上海市。闵行区个原华漕/虹桥/梅陇（部分）/诸翟（原嘉定县部分除外）原先也都属于华亭县，后来上海设县以后也都属于上海县，在1927年上海设市以后，这些地方都属于上海市辖区，属于上海市个西郊地区。而莘庄/七宝地区呢，辣历史浪主要属于华亭县/青浦县/上海县。上海设市以后主要是作为原松江县和青浦县个一部划入了上海市辖区，但辣实际接收个辰光，大部分地方未接收。到了抗战胜利以后，要划入此块区域，主要是划入当时的上海市第二十六区（上海市龙华区），但据说还是没有直接接收。解放以后曾经短暂个由松江县代为管辖，后来归上海市管辖。1956年划归上海市西郊区。1958年上海县划入上海市以后并入上海县。
讲好仔浦西，我伲再来讲讲浦东。浦东部分主要是原陈行/杜行/鲁汇地区。老早是属于华亭县，后来大部分属于上海县。后来属于上海县个陈行乡，以及南汇县周浦等地。鲁汇个一小部分原来属于奉贤县。迭些地方辣上海设市以后，属于陈行搭周浦（部分）个地区基本上划入了上海市辖区范围，但是未实际接收，仍旧归上海县搭南汇县管辖，其余部分主要是归南汇县搭奉贤县管辖。后来逐渐都划归上海县管辖。
讲了介许多，大家是否对闵行区个区划演变有个全新个认识呢？好了，迭一期我伲先讲到此地，谢谢侬个收听！
大家还在听
