介绍:
哎！ 我现在再想想老早底辣辣搿个舞厅里看到个舞真个老憨个
跳点啥个物事？勿像阿拉现在搿种舞蹈总归像搿种舞林大会唠，阿拉也参加过个，阿拉还进决赛睐，我拿拿拿冠军让出来个，因为我勿好意思了。看看阿拉，后头拨搿个赵志刚末。阿拉兄弟嘛，我总归要拨伊弄只冠军嘛。阿拉搿个年纪也比伊轻，人家毕竟也快到更年期了。
迭个辰光对勿啦，搿排舞蹈跳得了老有有劲个。啥个舞蹈娜记得伐？最流行个搿舞，就八十年代头浪向，是啥舞啊？每个人侪会跳个。叫啥个晓得伐？叫撬伦，就是撬脚伦巴。伦巴也好撬脚个，伊讲！老早底仔是老时髦个，侬现在看看绝对憨嗷。我跳拨娜看哪能跳个嗷，我侪记辣嗨个。
来只撬伦节奏。......(周立波跳伦巴) 我算跳了好个。大部分人跳勿出搿种味道个。大部分人就跳得比我好叫憨睐。侬想？一只舞厅三四百个人。一只撬伦音乐上来之后，阿狗阿猫侪要去跳。跳个侪是啥个腔调晓得伐？闹，原始个，原生态个撬脚伦巴伊拉搿恁跳个。(....周立波跳伦巴....) 像集体辣辣开残奥会一样，真个吃勿消。
乃末有一种舞呢，到现在看看还是漂亮个，但是有难度个，勿是每个人侪会跳个。啥个舞？太空舞！一只场子最多两三个人会跳。我跳拨娜看看叫。来（音乐）！要屏牢嗷！（...周立波跳太空舞...）搿只舞个难度就辣辣侬要屏牢！屏勿牢个人啊侬勿好跳个。乃末，乃末侬去看，音乐一来，总归一只场子里面总归有人跶出来了。我记得啊搿个辰光交响乐团，有一个跳太空舞之王，是只架梁，跳了覅忒嗲嗷！搿搿个交响团勿是有有个台个吗？舞台跳到下头舞池里向去。有三格路梯。搿只架梁嗷，走三格路梯走了三分多钟！（...周立波模仿架梁跳太空舞...）好勿容易等到伊搿只脚马上要碰到地板了，伊又缩回来唠？！搿绝对吃功夫个。对伐？乃么旁边几个人围牢仔叫好好好好好。我觉着老有劲个。
还有一只舞，好好叫要比撬伦恶劣个，叫啥晓得伐？抽筋舞嗷。闹，抽抽看。（...周立波模跳抽筋舞...）哦呦，搿个抽得了真个衰瘏啊。三四百个人一道抽筋。像寻勿到厕所间一样。
勿好意思，让我吃口茶好伐？
大家还在听
