广播238 弄堂茄山胡 见过监牢里个陈璧君

广播238 弄堂茄山胡 见过监牢里个陈璧君 2015-01-12 10:03 0来源：新民晚报 新民网编辑：田诗雍 作者：任君璧 　　辣提倡讲沪语个当今，倒让我想起自家老早个一段往事。 　　我是1937年生人，以前住大自鸣钟附近长寿路344弄4号。我生活个环境大家侪讲沪语。 　　辣沪语中，“任”有两种读法，一为与“陈”同音，另一种与“人”同音。但很多人都读陈音。我辣上幼儿园、上小学辰光，老师、同学还有屋里个大人，常常习惯个把我叫作“任璧君”，即与陈璧君同音，有个老师会更正，有个就习以为常了。我年幼无知，也勿以为奇个随大人们哪能叫，勿当回事体。 　　1948年至1949年间，临近小学毕业，我也懂了点事。恰逢有机会到提篮桥监狱参观，而且晓得监狱中关了一个罪大恶极个犯人叫作“陈璧君”。乃末我作死作活个要跟随大人们去……我因此看到一个比较大个单人牢房里，有一个戴仔圆圆个黑边框架眼镜个老太婆辣踏缝纫机。大人告诉我，迭个老太婆就叫作“陈璧君”。搿个辣我幼小个心灵中，真有点勿知所措，也有眼勿可理喻。 　　五十年代我从上海第一女中毕业进入南京大学后，有意识个查找文史资料，把1937年-1949年抗战八年及解放战争四年个有关历史、有关人物个材料弄了个明白，因为江苏省图书馆内有勿少内部参阅个文史资料……四年功夫我想将搿些材料作为毕业论文个资料再进行整理，梳洗……结果拨指导老师否定，伊讲搿是历史系个生活，侬须写中文系个毕业论文。呜呼，留下个只有遗憾和伤心了。 　　我理解大人们把我误读陈璧君只是一种口误，或者辣当时评论陈璧君作为汪精卫老婆等等流传个习惯而已，搭我呒没关系，我也呒没“精神负担”；搿反倒促使我额外阅读了不少文史资料，长了见识。搿又未尝勿是一种收获呢！