广播专辑 周立波海派清口17 侬当我是乌龟啊

广播专辑 周立波海派清口17 侬当我是乌龟啊 （关）.....伊是搿恁介讲个，伊讲如果讲上海滩五十年里向只好出姚慕双周柏春老师个闲话，伊认为上海滩一百年也未必出一个周立波。后头，秋雨老师讲好搿句闲话以后呐，上海滩就混勿下去了。伊就逃到香港去了。但是我个人并勿完全赞同余秋雨先生个讲话，我认为，上海滩一千年也未必出一个周立波。 （周）想得出哦。一千年勿是出一个，一千年是出一只，侬当我乌龟对勿啦。阿拉阿哥对我真个老好个，.......真个因为有关栋天，......我非常感谢阿拉阿哥，有辰光我也真个搞勿懂，我问阿拉阿哥，我讲虽然呢我邪气讨人欢喜，但是呢我身浪向有老多缺点娜晓得伐？我讲我有介许多缺点，侬为啥还搿恁欢喜我呢？伊讲，兄弟啊，要搭一个人做朋友，非但要接受伊个优点，连伊个缺点也要欢喜伊。迭个就叫： （关）缺西。 （周）侬娜恁老是搿恁讲啊！ （关）我老缺西哎。 （周）阿哥，如果讲侬是缺西个闲话，侬阿弟就是东南北。 （关）哦，侬也是缺西。 （周）谢谢，谢谢。 （周）......娜破费了，迭个，鞠躬鞠介长辰光，并勿是为了讨掌声，实际浪头我是为了让大家检查一下，阿拉头势清爽伐？头势老要紧，迭恁，灯光师傅帮记忙，因为迭个勿是演话剧，也勿是看滑稽戏，阿拉覅介暗，我看勿到阿拉观众朋友们个表情，因为我要搭伊拉互动，侬灯稍微亮一点好伐？哎，啥体？！电覅钞票个啊？忒亮睐，稍微暗点。稍微暗点，要朦胧点，朦胧是一种美。