Baenz Lingz Gaeng Mij Dauq 变猿猴不归

Baenz Lingz Gaeng Mij Dauq 变猿猴不归 Gaeb Sing：Singz Singz Raed Sing：Moz Cwz 主播：城城 剪辑：暮梓 Fwen：Fwen Liq Suq《Caemh Goek Caemh Rag》、Fwen Raeuz《Youx Noix》 间奏音乐：傈僳歌曲《同根同源》、壮语布依语歌曲《日夜相守》 路易影音工场 地址：广西南宁市教育路4-2号 电话：0771-5322337 QQ：247862218 Q群：86937976 Ciuh gonq，ranz ranz baenz hoj，lwgcing naz lai mor，boh meh ciengx mbouj ndaej。Yienghneix，miz ranz ndeu，daengz baeuq yah doxhangz：“ranz raeuz hoj baenz neix， aeu daengz gyoengq lwg ce ranz goj iek dai dwr，raeuz aeu lwg'iq bae ce bo dwr lor，hawj de gag ra gaiq gwn，ndaw bo miz mak miz raemx，gyah goj dai mbouj ndaej lawz ler。” 古时候，人们很穷，但是子女又多，父母养不了，于是，有一家，夫妻二人商量：“我们家这么穷，把所有孩子留在家里也会饿死，不如我们把最小的孩子放到山上吧，让他自己找吃的，山上有野果，他应该不会饿死吧。” Yienghneix, yah meh cwz（dawz） lwg'iq bae bo，cwz（dawz） bae daengz dih gyae gyae，yahmeh gag nwh:“dih neix liz ranz gyae baenz neix her，de gyah goj dauq ranz mbouj baenz her ler。”Yienghneix，yahmeh guh doi dungx in，naeuz lwg'iq hauq：“ex ha，meh dungx in，meh bae goek nya dwk haex gonq，mwngz youq neix caj meh，meh cuex(id/rah、gwq） iq ndeu meh daeuj ra mwngz。    于是，他妈妈带最小的孩子去山上，带到很远很远的地方，阿妈自个暗想：“这儿离家这么远，他应该回不了家了吧”。于是，阿妈假装肚子疼，告诉孩子：“儿啊，妈妈肚子疼，妈妈先去草丛拉粑粑，你在这儿等妈妈，妈妈一会儿就回来找你。”        Yienghneix ,yahmeh raemx da roengz rawq liux deuz lwg  dauq ranz, lwg youq dih gaeuq caj a caj,caj  ndwx gaenh  lawz  goj naz mij raen meh dauq ma ra de ,yaek dauq ranz naz mbouj  rox naj roen ,yienghneix ,de youq bo lumj lingz liux gag ra mak dumh mak nat gwn ,hoz hwq cix gwn raemx vij。    这样，阿妈泪眼婆娑的逃回了家里，孩子在原地等啊等，等多久也不见妈妈回去找他，他想回家但又不认识回家的路，于是，他在山上像猴子一样找野莓果、野牡丹果吃，口渴了就喝溪水。        Vaenz bae vaenz dauq，seizgan gvaq ndaej haen liux，mbat yaep da ndeu cix daengz cawz faed haeux lo，ndaw ranz faed ndaej haeux moq，miz haeux ciengx lwg lo，yahmeh guh gyongq haeux ciz ndeu bae bo deq lwg dauq ranz，bae daengz bo heuh：“ex a, dauq daeuj lo，meh guh haeux ciz daeuj deq mwngz lo，daeuj deq mwngz bae ranz lo，ex ha，youq dih lawz goj ma，youq ga lawz goj daeuj lo。”    日复一日，时间过得很快，转眼间就到了收割的季节，家里收了新稻谷，有谷子养孩子了，阿妈做了一篮子的糍粑去山上接孩子回家，去到山上喊：“儿啊，回来了，妈妈做糍粑来接你了，来接你回家了，儿啊，在哪儿也回来吧。”        Lwg youq gyang bo nyi meh heuh de，de dengj bae henz ndang meh，daengz song boux dox gangj ndaej rah iq ndeu，lwg mbouj nyienh ha meh dauq ranz， daej naeuz meh：“meh ha，mak dumh gou goj nding lo, mak nguh gou goj mboeng，gou goj baenz lingz gaeng mij dauq lo。” Gangj liux uiq boenz yaek deuz bae bo，cawz de，yahmeh aeu aen haeux ciz ndeu dap bak boenz de，daej daengz da foeg da nding liux。    孩子在山上听见阿妈叫他，他跑到他妈妈身边，两人交谈了一会儿，孩子不愿同妈妈回家，他哭着对着阿妈说：“妈啊，我的野莓果 也红了，我的牛奶果 也要熟了，我变成猴子不想回了。”说完转身想逃去山上，那时候，他妈妈把一个糍粑粘在他屁股上，哭到眼睛红肿。 Aenvih meh de aeu haeux ciz dap bak boenz de，yienghneix bak boenz duz lingz couh luengz ab ab，mij miz bwn。    因为他妈妈把糍粑粘在他屁股上，所以猴子的屁股光溜溜的，没有毛。 Ng.14 Nd.03 Bi 2015 Moz Cwz Boux Raeuz Youq Namz Ningz 白色情人节 僚人暮梓 于南宁