Lwg Ngeix Meh Mbais Ngoenz Meh母亲节-忆母亲

Lwg Ngeix Meh, Mbais Ngoenz Meh 母亲节——忆母亲 Cangh Langh Sing: Lwg Nding Boux Raeuz Cangh Raed Sing: Lwg Fwngz Meh Saes Daeuz Langh Sing : Lwg Nding Boux Raeuz Saes Nga Langh Sing : Lwg Fwngz Meh Saes Nga Langh Sing: Ndok Nat Cangh Son Ngvanh: Daeg Giy Boux Noengz 主播：勒丁布僚·刘敬柳 剪辑：勒丰米·卢奋长 总站长：勒丁布僚·刘敬柳 副站长：勒丰米·卢奋长 副站长：朵可娜 顾问：特基布侬 [Gyaeuj] Boux Langh Sing [Lwg Nding Boux Raeuz]: Meh lumj geu fwen ndeu, meh lumj gong feiz ndeu. Fwen ciengs yous henz rwz langh baenz ndok va. Feiz os yous ndaw caw biens baenz ndau ndeis haet. 主播[勒丁布僚] 母亲像一首歌， 母亲像一团火。 歌在耳边萦绕绽放成一朵花。 火在心中燃烧化成一颗启明星。 Saems mbouj doengz saems, goj caemh mbouj doengz goj, ngoenz neix ngoenz 10 ndwen 5, baenz Ngoenz Meh, Langh Sing Raeuz cih heuh geij boux beix nuengx ok daeuj dox gangj geij coenz, yawj gyoengs de guh lawz bae ngeix meh laj ndang. 年代不一样，故事也不一样，今天是5月10号，母亲节，朗声僚节目组专门请了几位贝侬一起聊一聊，看看他们是如何回忆自己的母亲的故事。 Au Cwz Haz [Saems 60]: Lus let cih gvas bi, lus li cih gvas ciuh, ma daengz ngoenz neix gou ndaej haj cib geij bi gvas. Gou rox geis meh gou bae ndoi ndaej sam bi gvas, baez ngeix daengz meh gou, raemx da cih doek roengz daeuj. 瘦牛叔[60后]： 一晃就是一年，再一晃就是一辈子，时至今日我也是五十好几的人了。想想母亲离开我三年了，每当想起母亲的时候，就情不自禁地泪流满面。 Meh dwg ngeih cib haj bi seng gou, ban de yous laj mbanj hoj lai, mbouj miz saek yiengh baenz daenj baenz yungh. Rox geis meh bae ndaw naz guh hong, gaeb ndaej geij duz baeu goj saz hawj dou sam boux beix nuengx gwn ndwi, ndaej song sam aen lwg maenz goj cawj hawj dou gwn ndwi, meh naeng maenz mbouj ndaej gwn saek gais naus, gag naeuz ndwi: “Gwn nwr, nuengx ar, nuengx gag gwn nwr, meh mbouj iek.” 母亲在她二十五岁的时候生的我，那时候农村很穷，物质条件很差。记得母亲到田地里干活，抓到螃蟹的话都会烤给我们吃，挖到红薯的时候也都会煮给我们吃，而她却连红薯皮都吃不到，只还说：“吃吧，孩子，自个儿吃吧，妈妈不饿。” Caj gou guh hong lai onj dis lwr, senj daengz ndaw cou yous, heuh meh gvas daeuj caemh yous. Raen meh hwet caemh gaeuz ges gvas, byoem caemh hau sak sak leux, gaem dawz fwngz meh, lwg da cih dumz. “Gwn nwr, nuengx ar, nuengx gag gwn nwr, meh mbouj iek” coenz haus neix dot yous ndaw caw gou maenh dwd dwd. Her, ciuh vunz neix lumz mbouj ndaej. Meh ar, lwg ngeix meh lwr nwr. 我工作稳定以后，搬到了城里住，叫母亲和我们一起住。看到母亲那佝偻的身影，花白的头发，我握着母亲的手，眼睛湿润了。 “吃吧，孩子，自个儿吃吧，妈妈不饿。” 这句话深深烙在我心里，一辈子都忘不了。 妈，我想您了。 Beix Gaeng [Saems 70]: “Duz vaiz neix sam bak maenz, mbouj gangj lai lwr, Lungz Sam, mwngz dawz bae lwr. Mbouj gangj lai lwr...” Neix dwg meh gai vaiz hawj gou bae doeg saw laux gor... Aer yar, hoj lai ar hoj lai, gauj ndaej hwnj bae goj mbouj miz saek faen ngaenz bae doeg naus. Gai vaiz leux aeu gij maz daeuj cae naz ler? Gou gag ngeix. Meh naeuz: “Lwg gaej guenj lai, ok rengz doeg saw ndwi. Boh dem meh yous ranz miz fwngz miz din, gag rox guh hong, lwg gaej heis lai.” Ngoenz ok mbanj de har, meh nden hawj gou song gais baengz raiz, gais miz song ndaek gyaes, gaem haeux va; gais miz gaen duh naz, lij miz sam bak maenz de dem har...heir... 阿猴哥[70后]： “这牛三百块你牵走，咱别说啦，他三大爷，你牵走，就这么定了。。。。” 这就是母亲在买牛供我读大学啊。。。 哎呀，太苦了，即使考上，也没办法读成这个书啊。 牛都卖了，拿什么犁田啊？我那时想。 而母亲却说：“孩子，你别管了，努力上你的学，家里爸妈自个儿有手有脚的，能干活，你就别担心了。” 离开村子的那一天，母亲递给我两个包裹，一个里头放在俩鸡蛋，一抓糯米饭；另一个里头装着一斤黄豆，还有那三百块钱。。。哎。。。 [Fwen 1] GOU NGEIX MEH——Coenz/Guk/Ciengs: Daeg Bauj 《我想你》——词/曲/唱：韦保丞 Beix Bya Nous [Saems 80]: “Ban lawz mwngz cih aeu bawx hawj gou?” “Ban lawz gou caengh ndaej umj lan, mwngz naeuz lwr?” Ner, beix nuengx, song coenz neix ngoenz ngoenz lumj duz dos mbin yous henz rwz vwngr vwngr mbouj daengx naus. Eir ywr... 泥鳅哥[80后]： “你什么时候娶个媳妇？” “你什么时候才能让我抱上孙子，你说说？” 瞧，兄弟们，这两句话就像蜜蜂老在耳边飞来飞去嗡嗡闹个不停。 哎呀。。。 Saems 80 raeuz daengz ban neix caemh haeuj sam cib bi gvas. Boh meh ner cih muengh raeuz baenz gya baenz dangs, baenz ranz baenz euj, ra boux bawx, hawj gyoengs de umj lwg lan ndaej caeux di. Gou rox gor, meh, mwngz siengj umj, gou goj siengj umj gor. Ngoenz siengj daengz hwnz bae. Ndaej lwr, rox gvas, meh, bi neix langh naeuz lwg ndaej baij bae A-ME-RI-GA bae guh hong ner, lwg cih dais boux bawx hau hawj meh yawj. Or, caj dem. Meh, Ngoenz Meh angs yangz nwr. 咱们80后啊，都早已奔三啦。所以父母最渴望的就是咱们早点成家立业，给他们抱上孙子。 晓得啦，老妈，我知道您想抱，其实我也想抱，那简直就是日夜想啊。 好啦，我知道啦，老妈，今年要是把我调到美国去的话，我就给你找个洋媳妇，行吧？等着。 老妈，母亲节快乐！ Nuengx Ngwz Goep [Saems 90]: Yous ranz saw gou ra ndaej lwg sau, naeuz meh nyi, meh mbouj ndas gou naus bwr, meh naeuz: “Yor, lwg gou gvai lai bwr, rox gyaek lwg sau guh caemz lwr bwr, cuengs gyaj leux cih dais daus ranz hawj meh yawj veir, meh cingj sau gwn ice-cream.” 泥蛇弟[90后]： 我在学校里交了个女朋友，告诉了老妈，老妈居然不骂我，倒反夸我说：“哟，小子，挺有本事的嘛！会泡妞了，记得放假带回家里给老妈给你把把关，到时候老妈请她吃 ice-cream.” Var, meh dwg gyaez lai lwr, yiengh neix cih heuh meh lai geis geij cien maenz ngaenz gvas daeuj hawj gou yungh nwr. Mbouj gvas, meh goj daengs naeuz, lwg sau dwg aeu raemx guh baenz, lwg mbaus mbouj miz raemx gwn cih dai, hauh neix mbouj ndaej luenh hangz lwg sau, deng in lwg sau caengh baenz. Guh saeh ner deng dawz daeh maen bae... Wr gor, wr gor, rox lwr gor, meh ar meh ar meh ar, gaej gangj lai lwr, hoz net gor, gaej heis lai, lwg yous ndaw ranz saw ner rox sos gor. Ndaej lwr, Ngoenz Meh daeuj daengz gvas, meh, “cup cup dar” ! 哇塞！老妈太可爱了，那这样吧老妈，你再给我寄几千块钱给我花花呗！不过呢，老妈也说过，女人是水做的，男人没有水喝了，那肯定得渴死，所以啊，咱们不可以欺负女孩子，得怜香惜玉。办那事的时候呢，得带上“气球”。。。 嗯啊，嗯啊，知道啦，老妈，好啦好啦，您就放心吧！别担心啦，学校里我自个心里有数，好啦，老妈，母亲节到了，么么哒！ [Fwen 2] Fwen Taez: Faenz Raiz Hawj Meh 泰语《写给妈妈的信》 ［Byai］ Boux Langh Sing: Beix nuengx daengz lai, langh sing raeuz mbat neix yaek sat lor, ban neix hois cingj boux lwg sau ciengs fwen ndei ndei raeuz—Dah Swy dawz geu fwen mos de ok daeuj, soengs hawj beix nuengx daengz lai, gyo hawj meh laj mbwn raeuz Ngoenz Meh ndei caw ndei maez. 听众朋友们，本期节目就要接近尾声了，下面有请咱们优秀的壮语布依语女歌手——达思给我们献上她的新歌，送给所有的听众朋友们，母亲节之际，祝所有的妈妈们节日快乐！ Dah Swy： Beix nuengx vunz lai ndei, hois seih Dah Swy, ngoenz neix Ngoenz Meh, beix nuengx raeuz boux boux coj deng gyo mbais meh. Ngoenz neix hois ciengs diuz fwen neix coh guh Meh Laj Mbwn, soengs hawj meh laj mbwn raeuz, muengh meh laj mbwn raeuz ndang ndei ndang rengz, yous ndei gwn van. Muengh beix nuengx vunz lai raeuz lai nyi Langh Sing Raeuz—FM617169. 亲爱的贝侬们，大家好，我叫韦思宇，今天是母亲节，我们每个人都要感恩母亲。下面，我把《天下母亲》这首歌送给所有的妈妈们，祝所有的妈妈们身体健康、生活幸福。 也请大家多多关注朗声僚壮语布依语电台——荔枝FM617169. [Fwen 3] MEH LAJ MBWN Cangh Fwen: Dah Swy Ranz Veiz Coenz Raeuz: Lwg Nding Boux Raeuz Coenz Gun/Raiz Guk: Boh Swny Ranz Veiz San Guk: Daeg It Ranz Loeg Coengh Guh: Lwg Fwngz Meh, Daeg Giy Boux Noengz Raemx Rox Mwengz Raeuz ok 演唱：韦思宇 壮语布依语词：刘敬柳 汉语词/作曲：韦永程 编曲：陆益 助理：卢奋长、特基布侬 梦僚文化 出品 laj mbwn gag meh ndei lai lai lwg lawz miz meh de cix gvai boemj haeuj ndaw rungj meh raeuz bae naj riu lumj va hai ngoenz nduj meh gyaez lwg mbouj rox manz lai hawj meh hwet biens goz ngoenz laux muengh byaij laj mbwn doh mbouj vangs buenx meh naengh gangj goj caj raeuz baenz meh rox baenz boh caengh rox gyaez meh raeuz byoem hau doh meh raeuz naemj bae rog lah ga meh uns naemj gwn byaek ndei heuj meh honz ciuh vunz heis lai ninz mbouj onj yiengh yiengh guh ndei geij lai vunz gag meh ndei lai daengz laj mbwn aen cingz boh meh boiz mbouj hwnj giz lawz miz ndoi giz de miz va giz lawz miz vunz giz de miz meh haems vunz laj mbwn boux lawz guh laux meh ndwi meh ndwi gag meh ndwi giz lawz miz raemx giz de miz faex giz lawz miz goek giz de miz ranz haems vunz laj mbwn boux lawz dij bauj meh ndwi meh ndwi gag meh ndwi 世上只有妈妈好 有妈的孩子像块宝 投进妈妈的怀抱 笑脸好像花开了 年少母爱儿不懂 人性淘气折腾妈 成年梦生走天涯 难有时光陪伴妈 待到自己当爹妈 懂得爱妈妈已白发 妈妈要看好景无好腿 要吃珍肴无好牙 自古人生多烦忧 忠孝两全有几家 世上只有妈妈好 最难报答咱爹妈 有山的地方就有花 有人的地方就有妈 要问世间谁最伟大 除了咱妈还是咱妈 有水的地方就有树 有根的地方就有家 要问世间谁最珍贵 除了咱妈还是咱妈 Beix nuengx daengz lai, langh sing geiz neix guh sat lor, mbat laeng raen mos! 听众朋友们，本期节目结束了，下期再见！ Namz Ningz·Guengj Sae·Cung Guek Ng. 10 Nd. 05 Bi 2015 中国·广西·南宁 2015年5月10日