Dah Dumh Hing 洪水滔天

Langh Sing Raeuz 朗声僚-Dah Dumh Hing 洪水滔天的故事 Cangh Langh Sing: Ndok Nat Saes Daeuz Langh Sing : Lwg Nding Boux Raeuz Saes Nga Langh Sing : Lwg Fwngz Meh Saes Nga Langh Sing: Ndok Nat Cangh Raed Sing: Lwg Fwngz Meh Cangh Son Ngvanh: Daeg Giy Boux Noengz 主播：朵可娜 总站长：勒丁布僚·刘敬柳 副站长：勒丰米·卢奋长 副站长：朵可娜 剪辑：勒丰米·卢奋长 顾问：特基布侬 Fwen 1: 《Numq Cingz Mawq》《清迈男儿郎》 Fwen 2: 《Gyang Haemh Mbanj Raeuz》《壮家之夜》 Aen goj neix heuh guh Dah Dumh Hing! 这个故事叫做《洪水滔天的故事》！ Ciuh caeux, miz vaenz ndeu,baeuq sien ndeu mbin daeuj laj deih, aen vih fouz fap mbouj doh，doek daeuj gwnz ranz ranz vunz.Vunz raen miz sien doek daeuj gwnz ranz，dungz ciez/dox nyeh bae gaeb baeuq sien，gaeb daeuj gyaeng ndaw cap faz. 古时候，有一天，一位神仙（duz byaj雷公）飞到人间，因为法力不足而坠落在人类的屋檐上，人类看见有神仙落在屋檐上，就约着去把神仙抓了，关在铁笼里。 Boux laux ok bae baih rog guh hong liux, hawj gag song lwg iq youq ranz dawz. Baeuq sien ndaeng dwk song lwg iq：“iq， gyoengq sou aeu raemx hawj gou gwn gou cix mbyab luemj hawj sou yaeuh(yawj) lor.”Song lwg iq hauq：“boux laux mbouj hawj dou aeu raemx hawj mwngz gwn.”Baeuq sien youh ndaeng dwk song lwg iq ：“yiengh neix aeu byaek gyat hawj gou gwn gou cix mbyab luemj hawj sou yaeuh(yawj).” 大人都出去干活了，只留两个小孩在家看守。   那位神仙对两个小孩说：“孩子，你们拿水给我喝我就弄闪电给你们看。” 两个小孩回答说：“大人不让我们拿水给你喝。”神仙又说：“这样的话，你们拿芥菜给我吃我就弄闪电给你们看。” Song lwg iq nwh：“byaek gyat leex mbouj cwh raemx，aeu hawj de gwn goj mbouj lau baenz maz leer.”Yiengh neix，song lwg iq bae ndaw suen aeu byaek gyat daeuj hawj baeuq sien gwn.Mbat ndux aeu hawj ngeeh iq ndeu，baeuq sien mbyab luemj hawj song lwg iq yaeuh，lwg iq raen yawz，youh bae ndaw suen aeu byaek gyat daeuj hawj baeuq sien gwn. 两个小孩心想：“芥菜又不是水，拿给他吃应该没问题吧。” 于是，两个小孩去菜园里要芥菜给那位神仙吃。第一次给一小支，那位神仙弄闪电给两个小孩看，两个小孩觉得很好看，又跑去菜园里要芥菜给那位神仙吃。 Baeuq sien aeu ngveih vaen mbux hawj song lwg iq，naeuz：“ner，aeu vaen mbux neix bae ndaem.” Song lwg iq cix dawz bae suen ndaem, song lwg iq couh bae ndaem dauq daeuj，baeuq sien youh naeuz：“sou rah neix bae suen yaeuh，yaeuh mbux daeuj fih?”Song lwg iq youh dengj bae suen yaeuh，raen caz mbux daeuj sang dix raix.Gyoengq de dauq daeuj naeuz baeuq sien：“mbux daeuj her.” Baeuq sien youh naeuz：“gyoengq sou dauq dauq bae yaeuh(yawj)，yaeuh de baenz aen fih?”Song lwg iq youh dengj bae suen yaeuh(yawj), caz mbux baenz aen laux liux dix raix. Song lwg iq dauq daeuj naeuz：“aen mbux laux her.” Baeuq sien naeuz song lwg iq:"gyah cwh vaenz laeng vaenz lawz miz maz swenq laux cix gwih aen mbux gar，aen mbux gag rox gyaemj sou!" 神仙把葫芦种子给两个小孩 ，说到：“诺，拿这葫芦种子去种吧。”两个小孩就把葫芦种子拿到菜园里种。两个小孩刚种好回来，那位老神仙又跟他们说：“你们现在去看看，看它长出来没有。”两个小孩又跑去菜园里看，葫芦果真长出来了。他们回来告诉老神仙：“葫芦长出来了！”老神仙又说：“你们再去菜园里看，看它结果没有。”两个小孩又回菜园看，果真结果了。两个小孩回来告诉老神仙说：“葫芦大了！”老神仙告诉两个小孩：“要是哪天出了什么大事，你们就骑这个葫芦，它会帮助你们的。” 〖Fwen 1〗Numq Cingz Mawq清迈男儿郎 壮文转写歌词： Aij ben koenz Viangz Ziang Mawq 阿哥我是清迈人 Krawh fak hua caw hwej sau dangq ndeen 想把我的心意传达给异地的姑娘 Yaengz soenz yaengz sot numq neenh 阿哥我还调皮还单身而且又健壮 Krawh qyak miz feen gaep kaeu saek koenz 想要和某人成为男女朋友关系 Haeh naz dij tangz gvangj yawq 田地里的土地很宽广 Miz suan laemz yawz qyuq dit tac noenz 有龙眼果园紧挨在路旁 Miz kvaiz miz gaeq koen moenq 有灰黑色的水牛和鸡 Miz nguaz buj don miz hanq koz yauz 有公牛和长脖子的鹅 Coemz puh gooj ndoek ndeeng zi 蒲桃也茂盛而红紫 “Strawberry ” hoom mwan geemj sau 草莓像姑娘的脸颊那么香 paek gat gaep tuaq faek yauz 芥菜和豆角 Aij koenz kau kau mboq zuh loog paez 白皙的阿哥并不欺骗谁 Laemz yawz mboq zawh linx ziq 龙眼不是荔枝 Krawz qyak hux ndi hwej hai koongj caw 如果谁想知道阿哥的心意而不再怀疑 Zown leiz maz eeuq Ziang Mawq 那就请来清迈玩玩 Maz ben kuan caw koong aij koenz mwengz 来做清迈阿哥的心上人 Coemz puh gooj ndoek ndeeng zi 蒲桃也茂盛而红紫 “Strawberry ” hoom mwan geemj sau 草莓像姑娘的脸颊那么香 paek gat gaep tuaq faek yauz 芥菜和豆角 Aij koenz kau kau mboq zuh loog paez 白皙的阿哥并不欺骗谁 Laemz yawz mboq zawh linx ziq 龙眼不是荔枝 Krawz qyak hux ndi hwej hai koongj caw 如果谁想知道阿哥的心意而不再怀疑 Zown leiz maz eeuq Ziang Mawq 那就请来清迈玩玩 Maz ben kuan caw koong aij koenz mwengz 来做清迈阿哥的心上人 Aen vih baeuq sien gwn byaek gyat lai cix miz fouz fap，de cuengq fouz fap hawj aen cap vaih，mbin deuz bae mbwn.Baeuq sien mbin bae daengz ndaw mbwn，rij guh hawj laj mbwn baenz rengx geij gag bi，geij bi de，mbwn rengx daengz rim gyang dah baenz laej，maex gyang ndoeng baenz riuz.Vaiz ok bae bo goj mbouj miz gaiq gwn，duz haemh dauq daeuj ranz daej dwk suj ranz，vunz laj mbwn mbouj miz haeux mbouj miz raemx gwn，nanh baenz byaj baenz mbwn.Geij bi rengx gvaq bae，sam ndwen doek laeng fwn daeuj laux baenz cawz baenz cix，daeuj ndaej geij gag ndwen.Raemx fwn mbwnx mbaix liux，lae bae dah，raemx dah laeg dumh bo dumh anq, lw gag bo langz anq mbouj dumx，lw gag anq cu lingz mbouj dumx.Vunz laj mbwn dai liux liux，lw gag song lwg iq gwih aen mbux fouz gwnz raemx ma gwnz mbwn.  因为老神仙吃了很多芥菜就有了法力，他用法力把铁笼弄坏了，飞走了。老神仙飞到天上，故意让地上干了好几年，那几年，天干到河里的石头变稠了，干到山中树木变成了炭。牛出去都没有吃的，晚上回来对着主人哭，地上的人类没有饭吃也没有水喝，苦不堪言。几个干旱年过去了，三个月后天下起了倾盆大雨，下了好几个月。到处都是雨水，雨水流到河里，河水泛滥，淹没山川大地。只剩下bo langz anq（地名）没有淹，只剩下anq cu lingz（地名）没有淹。地上的人都死光了，只剩下那两个小孩骑着葫芦飘到了天上。 Baeuq sien raen song lwg iq ma daengz gwnz mbwn cix cam：“vunz rah caeux duiz gvaq，gou rij cuengq fwn bae laj deih，hawj raemx dumh hing hawj vunz dai liux her.Lw gag song lwg iq sou，gyah cwh gou aeu sou saeb guh gaiq guh gaiq euq bae laj deih hawj baenz vunz moq, sou nyienh mij？”Song lwg iq raen vunz dai liux，mbouj miz ciuh laeng ciuh moq nyiuz nyienh hawj baeuq sien gaj dai， saeb guh gaiq guh gaiq. 老神仙看见两个小孩到了天上就问：“以前的人太凶了，我故意放水到人间，让水把人淹死完了。只剩下你们两个了，要是我把你们剁碎成块成块，扔到地上创造新的人类，你们愿意吗？”两个小孩看见人都死光了，没有子孙后代，就答应让老神仙，让老神仙杀死，剁碎成块成块的。 Baeuq sien saeb song lwg iq de guh gaiq guh gaiq euq daeuj laj deih，dangq gaiq dangq bienq baenz aen sinq ndeu. Baeuq sien gag nyaengh sinq gag euq daeuj doh liux，lw gag sinq swnh ngaih lumz，fih ndaej aeu gaiq noh euq.Yienghneix，de rax cueg daeng hing euq daeuj laj deih hawj baenz sinq swnh.Yienghneix，vunz sinq swnh couh noix nyiuz fwx. 老神仙把两个小孩剁碎成小块小块 ，扔到地上，每块肉都变成了一个姓氏（家族）。老神仙每样姓都扔够了，只剩下姓岑的被遗忘，没有把肉块往下扔。于是，他把菜板上的肉末扔到地上变成了姓岑。于是，姓岑的人才少于其它姓氏的人。 〖Fwen 2〗Gyang Haemh Mbanj Raeuz壮家之夜 Ciengq: Dah Naz 演唱：谢米娜 Raiz Coenz/Raiz Guk:Boh Swnh Ranz Veiz 作词\作曲：波森栏书（韦永程） Raiz Saw Raeuz/Hoiz Saw Gun:Lwg Nding Boux Raeuz 壮文整理\汉文翻译：勒丁布僚（刘敬柳） haemh neix miz rongh ndwen ok daeuj 今晚有月儿出来相约 lij miz gah lai ndau ndeiq daeuj guh buenx 还有好多星星来相伴 lij miz duz roeg ok rongz duz bya diuq dah 看那鸟儿飞出了巢穴 还有鱼儿在水中跳跃 hwnj daeuj byoep byoep naeq raeuz guh gah maz 好奇我们的风花雪月 gaem gen daeg beix gou 牵着你的手 daeuj ler miz vah siengj gangj hawj daeg beix gou rox 来咯 我想对你倾吐一切 siengj gangj gou gyaez daeg beix guh doih youh lau naj gangj ij gvaq 想要说和你永结同心 却又害羞生怕我回绝 loz ij roq ij yiengj 锣不敲不响咧 daeuj ler miz vah siengj gangj hawj daeg beix gou rox 我想对你表白出一切 boux lawz rox raeuz laj mbwn dox gyaez lai ler 谁人知道我们爱的最热烈 Gvei Gangj·Guengj Sae·Cung Guek Lwg Fwngz Meh/Moz Cwz Boux Raeuz Ng. 26 Nd. 07 Bi 2015 中国·广西·贵港 勒丰米/僚人暮梓 2015年7月26日