广播专辑 周立波海派清口22 金融海啸中的笑声

广播专辑 周立波海派清口22 金融海啸中的笑声 .....我老感激娜个，呒没娜个支持，呶勿可能介火爆个。再讲，娜也老了勿起个娜晓得伐？真个老了勿起。现在搿种经济大环境下头，介恶劣个经济形势，大家还能够掏钞票，花辰光过来看周立波，我真个差点想哭出来晓得伐。其他勿讲，对伐？阿拉阿拉个股市，我们个股市啊？阿拉中国现在迭个股市应该倒过来讲，哎！已经变事故了晓得伐？大家还能够迭恁过来，真个是老勿容易老勿容易。乃末又又碰着啥个全球个金融海啸。搿真个是眼眼叫碰到眼眼叫。两种勿利因素交叉辣一道，让阿拉邪气嘲讥讥and嘲讥讥。那么迭个金融海啸呢？.....我现在已经拿伊变成海啸之歌了。.... 迭个是搿恁个，阿拉屋里向呢是宁波人，是宁波上海人。所以阿拉姆妈讲个，侬演出个辰光，一定要懂道理。观众拍一趟手，侬就要鞠一趟躬。娜拍一趟，我鞠一趟。但是，谢谢娜，娜千万覅连牢仔拍。搿搿恁我要厥过去个。 金融海啸也好，股灾也好，其实呢现在阿拉才晓得，钞票乃生外之物。人最关键最关键个是健康搭仔快乐。快乐是顶真实个。明早个钞票侪是假个。因为为什么？因为明天有太多个勿确定！所以今天大家到搿搭是明智个选择。真个呀。今天个快乐是顶真实个。娜去想？如果讲娜娜拿380块洋钿，摆辣屋里个台子浪，朝老伊看两个钟头，娜会笑伐？勿会笑个。如果娜辣辣屋里向看牢380块，看两个钟头娜要笑个说话，我马上拿娜送到医院去。但是娜花了380块280块搿恁到美琪看周立波，看周立波两个钟头，如果娜勿笑个闲话呢？娜就拿周立波送医院去。所以既然来了，大家就开怀个笑。有笑呒笑。有笑也要笑，呒笑也要笑。多笑一趟就合算一趟晓得伐！笑一趟就降低快乐个成本。比方讲，阿拉搿搭个观众今朝邪气奔放，娜笑了五百趟，娜放心，娜一定会超过个，搿是我拨娜个承诺。葛末迭搭一边观众呢，比较矜持，娜只笑了四百五十趟，也就是讲娜吃亏了50趟。也就是讲娜搿搭贪辣五十趟便宜。搿个世界现在贪勿着便宜就算吃亏个。所以大家一定要多笑。笑一次降低一次快乐个成本。 对伐，侬去想搿个380块摆辣辣屋里没用个，呶呶侬看牢伊两个钟头，侬最多看出来，伊，搿是张假币嘛？！迭个是H头HD当头个嘛。最多搿恁睐。来搿搭，大家就会得很开心很开心。