《Superman》剧场版

强记开咗九年，我成日去帮衬嘅，我嘅可乐瘾都因为咁样而来，记得零六年，中五会考个阵，我迷上咗亦舒嘅小说，朝朝等巴士翻学嘅时候都会睇嘅，其中有本叫《墟》嘅小说，女主角欧阳慧中开朗活泼，钟意饮可乐，也因为可乐同男主角结缘   2 所以我在强记买咗罐可乐，试下边饮可乐边睇，砰一声，d汽喺里面涌出来，个种冲击同埋甜味，正正就系佢哋恋爱嘅味道，至此我就朝朝都买罐可乐，边饮边睇，有时睇得太忘形，都唔知个巴士走咗添。   3 因为我挂住睇小说，所以会考炒咗，于是我就决定出嚟打工，去咗yes个边做编辑仔，做咗几年，yes竟然执咗，真系冇谂过，连最受后生仔欢迎嘅ES都会执，之后就轮到《100毛》嘅时代，我辗转到《100毛》，写新戏同埋新书介绍，总编叫Coe   4 但我心入面叫佢作慧中，因为佢嘅气质好似亦舒笔下嘅欧阳慧中咁，一d架子都冇，或者因为佢仲后生吖，佢只系大我两年，Coe都系住石硖尾嘅，每次凌晨我哋赶完稿之后，都会一齐搭的士翻石硖尾，顺便在强记食个早餐   5 我哋每次都会嗌火腿奄列，同埋饮可乐，久而久之，强嫂就记得晒我哋食d咩，每次我哋话“照旧”，佢就会明，喺尼个年代，总有几多嘢可以照旧？嚟几年来，强嫂一个人撑起整间茶记，真系唔简单，所以我阿妈同d街坊成日都叫佢作女超人嘅，但我成日谂，超人之所以做到超人，或者，佢背后都仲有其他超人。   6 佢成日讲笑，要我同Coe结咗婚之后，都要带仔女来嚟食早餐，Coe听完，只系含蓄咁微笑，而我，就继续饮可乐。